brave

Brave, com. gen. penac. Est dit celuy ou celle qui s'habille pompeusement, Qui splendido ornatu vtitur, Il vient de ce mot Grec {{t=g}}brabês,{{/t}} qui vient de {{t=g}}brabéuô,{{/t}} signifiant aussi porter le signe de victoire au poing, parce que comme les mieux faisans aux jeux gymniques, ausquels le prix estoit distribué, s'en retournoient en pompe et haute contenance, comme honorez dudit prix: ainsi ceux qui sont pompeusement vestus, marchent en fiere contenance, et le François les appelle Braves, soient hommes, soient femmes. Et parce que celuy qui est ainsi pompeusement {{o=pompeusemenc}} vestu, regarde coustumierement en fierté ceux qui l'approchent, tant le François que l'Espagnol, l'Italien et les Languedocs et Provençaux, usent de ce mot en cas de ferocité, appellant le François un homme brave aussi, celuy qui met bien la main aux armes et ne se laisse surmarcher: et Braverie, ou Bravade, un insult fait à aucun avec escorne, et Braver quelqu'un, pour fierement luy faire une honte; usant de l'adverbe Bravement pour vaillamment et en homme accort et advisé. Et tant l'Espagnol que l'Italien Bravo, ce que le Latin dit Ferox, et particulierement l'Espagnol Braveza, Feritas, Ferocia, et Bravamente, Fere, ferociter: Et lesdits Languedocs et Provençaux disans, Un bouou brau, pour un boeuf furieux et de mauvaise rencontre.

Marcher bravement, ou Faire le brave, Speciose ingredi, Primum locum sibi velle ascribere, Aliis se praeferre, Semble qu'il vienne de {{t=g}}brabéuô,{{/t}} id est, Prior sum Palmam fero, Supero, Vinco.

Brave aucunesfois signifie superbe et hautain.

Brave chevalier, Summus eques, Liu. lib. 23.

Thresor de la langue françoyse. Jean Nicot.